Aqmola oblysynda júk poıyzynyń vagondary aǵytylyp qaldy
11:11, 12 Sáýir 2016
KÓKShETAÝ. QazAqparat - Aqmola oblysynda júk poıyzy vagondarynyń aǵytylyp qalýyna baılanysty «Máskeý-Qaraǵandy» jolaýshylar poıyzy 1 saǵattan astam ýaqytqa keshikti. Bul týraly aımaqtyq TJD baspasóz qyzmetinen habarlady.
«Keleńsiz jaǵdaı 11 sáýirde tańǵy ýaqyt 08:46 shamasynda Arshaly aýdanyndaǵy №40 jáne 42 stansalar aralyǵynda oryn aldy. Astana jáne Qaraǵandy baǵytyndaǵy № 502 júk poıyzy (49 vagon tirkelgen) vagondary aǵytylyp qalǵan. Osynyń saldarynan «Máskeý-Qaraǵandy» jolaýshylar poıyzy 1 saǵattan astam ýaqytqa keshigýine týra keldi. Kóp uzamaı atalǵan temir jol boıynda jol qozǵalysy qalpyna keltirildi. Zardap shekkender joq», dep kórsetilgen habarlamada.