Aqmola oblysynda jol apatynan zeınetker kóz jumdy

KÓKShETAÝ. QazAqparat - «Ekaterınbýrg – Almaty» avtojolynda eki kólik betpe-bet soqtyǵysyp, bir adam kóz jumdy, taǵy bir adam aýrýhanada jatyr, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, jol apaty 8 tamyz 15:25 shamasynda «Ekaterınbýrg – Almaty» avtojolynyń 1085 shaqyrymynda bolǵan.

Keıin anyqtalǵandaı, Nur-Sultan qalasy baǵytynda júrip kele jatqan Sandyqtaý aýdany Vladımırovka aýylynyń 64 jastaǵy turǵyny tizgindegen «Mercedes-Benz» avtokóligi joldyń qarsy baǵytyn shyǵyp ketken. Sóıtip Rýdnyı qalasynyń 33 jastaǵy turǵyny basqarǵan «Volkswagen Touareg» kóligimen soqtyǵysqan.

«Jol apaty saldarynan «Mercedes-Benz» avtokóliginiń júrgizýshisi alǵan jaraqatynan oqıǵa ornynda kóz jumdy, al onyń jolaýshysy túrli dene jaraqatymen Astrahan aýdanynyń ortalyq aýrýhanasyna jetkizildi», - dedi vedomstvodan.

Polıtsııa departamenti baspasóz qyzmetinen atap ótkendeı, qazirgi kezde, jol apatyna baılanysty Qylmystyq kodekstiń 345-babynyń 3-bóligi boıynsha sotqa deıingi tergeý amaldary júrip jatyr.

Aıta ketsek, budan buryn qyzǵanyshtan áıelin pyshaqtap óltirgen kókshetaýlyq 9 jylǵa sottalǵanyn jazǵan edik.