Aqmola oblysynda jol apatynan Qyrǵyzstan azamaty kóz jumdy

KÓKShETAÝ. QazAqparat - Aqmola polıtseıleri Qyrǵyzstan azamaty qaza tapqan jol-kólik oqıǵasy boıynsha tergeý júrgizip jatyr, dep habarlaıdy Polisia.kz.

8 aqpan kúni Jaqsy aýdany polıtsııa bóliminiń kezekshi bólimine Ekaterınbýrg-Almaty avtojolynyń 922 shaqyrymynda jol apaty bolǵany habarlandy.

Man júk kóligi men Daewoo Matiz avtokóligi soqtyǵysqan.

Aldyn ala aqparat boıynsha, Daewoo Matiz avtokóliginiń júrgizýshisi Qyrǵyzstan Respýblıkasynyń 64 jastaǵy azamaty basyp ozý manevrin jasap, qarsy qozǵalys jolaǵyna shyǵyp, Qaraǵandy oblysynyń 55 jastaǵy turǵyny tizgindegen Man júk kóligine soǵylǵan.

Apat saldarynan Daewoo Matiz avtokóliginiń jolaýshysy Qyrǵyzstan Respýblıkasynyń 62 jastaǵy azamaty oqıǵa ornynda qaıtys boldy.

Daewoo Matiz avtokóliginiń júrgizýshisi Jaqsy aýdandyq aýrýhanasyna jetkizildi.

Jeńil avtokóliktiń 18 jastaǵy jáne 4 jasar jolaýshylary zardap shekken joq. Avtokólikter avtoturaqqa qoıyldy.

Saraptama taǵaıyndaldy.

QR QK 345-baby 3-bóligi boıynsha sotqa deıingi tergeý júrgizilip jatyr.

Medıtsınalyq kýálandyrý qorytyndysyna sáıkes Man avtokóliginiń júrgizýshisi saý bolǵan.