Aqmola oblysynda jol apatyn jasaǵan reseılik esepte turǵan kólik júrgizýshisi 5 jylǵa sottaldy
Aqmola oblystyq Polıtsııa departamenti baspasóz qyzmetiniń málimetinshe, jol apaty 2021 jyldyń 7 sáýirinde saǵat 14:00 shamasynda Atbasar aýdany Borısovka aýyly mańyndaǵy «Atbasar-Kókshetaý» baǵytyndaǵy avtojoldyń 177 shaqyrymynda bolǵan.
Reseı Federatsııasynda tirkelgen memlekettik nómiri bar «Bogdan 2110» markaly avtokóliginiń júrgizýshisi alda júrip bara jatqan kólikti basyp ozý kezinde joldyń qarsy baǵytyna shyǵyp ketken. Saldarynan úsh kólik soqtyǵysqan.
«Oqıǵa ornynda bir otbasynyń úsh múshesi: «Volkswagen Passat» markaly avtokóliginiń júrgizýshisi jáne eki jolaýshy alǵan jaraqattardan kóz jumdy. «Gaz 330252-0244» avtokóliginiń jolaýshysy densaýlyǵyna ortasha zııan keltirdi. Іs materıaldary sotqa jiberildi. Atbasar aýdandyq sotynyń úkimimen «Bogdan 2110» markaly avtokóliginiń júrgizýshisi Qylmystyq kodekstiń 345-shi babynyń 4-i bóligi «jol júrisi nemese kólik quraldaryn júrgizýshi adamdardyń kólik quraldaryn paıdalaný qaǵıdalaryn buzýy» boıynsha kináli dep tanyldy jáne oǵan 5 (bes) jyl merzimge bas bostandyǵynan aıyrý, 7 (jeti) jyl merzimge kólik quraldaryn júrgizý quqyǵynan aıyrý, eń tómengi qaýipsizdik qylmystyq-atqarý júıesi mekemesinde jazasyn óteý jazasy taǵaıyndaldy», - dedi vedomstvodan.