Aqmola oblysynda jol apaty eki adamnyń ómirin qıyp ketti

KÓKShETAÝ. QazAqparat - Aqmola oblysynda júk kóligi men mınıven soqtyǵysyp, eki adam kóz jumdy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, jol apaty qyrkúıektiń 10-da keshki saǵat 21:16 shamasynda «Ekaterınbor-Almaty» tasjolynyń 998-shaqyrymynda bolǵan.

Belgili bolǵandaı, Atbasar qalasynyń 43 jastaǵy turǵyny tizgindegen «KamAZ» júk kóligi men Toyota Estima mınıveni soqtyǵysqan.

Saldarynan Toyota Estima kóliginiń 72 jáne 57 jastaǵy jolaýshylary oqıǵa ornynda mert boldy.

Taǵy eki adam ártúrli dene jaraqatymen aýrýhanaǵa jetkizildi.

«Osy oqıǵaǵa baılanysty Qylmystyq kodekstiń 345-baby 4-bóligi boıynsha «Kólik quraldaryn basqaratyn adamdardyń jol júrisi nemese kólik quraldaryn paıdalaný erejelerin buzýy» boıynsha is qozǵalyp, sotqa deıingi tergeý amaldary júrgizilýde», - dedi vedomstvodan.

Aıta ketsek, budan buryn Aqmola oblysynda jol apatynan 9 jasar qyz kóz jumǵanyn jazǵan edik.