Aqmola oblysynda joǵalǵan jasóspirim tórt kúnnen soń tabyldy

KÓKShETAÝ. QazAqparat - Aqmola oblysynda joǵalǵan jasóspirim tórt kún ótken soń jazǵy lager aýmaǵynan tabyldy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, jasóspirim 7 qyrkúıek kúni saǵat 15:00 shamasynda úıinen belgisiz baǵytqa shyǵyp ketken. Ol buǵan deıin de birneshe ret úıden ketip qalyp júrgen. Jedel-izdestirý is-sharalary barysynda polıtsııa qyzmetkerleri qalanyń beınebaqylaý kameralarynyń jazbalaryn, qyzdyń áleýmettik jelilerdegi baılanystaryn, sondaı-aq jasóspirimniń bolý jáne qonys aýdarý oryndaryn tekserdi.

«Nátıjesinde jasóspirim Zerendi aýdanyndaǵy Músirepov atyndaǵy lagerdiń aýmaǵynan tabyldy. Qyzdyń sózinshe, ol buryn osy lagerde demalǵan. Kámeletke tolmaǵan balany ıývınaldyq polıtsııa qyzmetkerleri men qamqorshylary Kókshetaý qalasyna jetkizdi. Jasóspirimge qatysty eshqandaı zańsyz áreketter jasalmaǵan», - dep túsindirdi vedomstvodan.

Aıta ketsek, budan buryn Aqmola oblysynda jasóspirim qyzǵa izdeý jarııalanǵanyn jazǵan edik.