Aqmola oblysynda joǵalǵan kolledj stýdenti tabyldy

KÓKShETAÝ. QazAqparat - Aqmola oblysynda bir kún buryn kolledj jataqhanasynan belgisiz jaqqa ketip qalǵan 17 jastaǵy stýdent aman tabyldy, dep habarlaıdy QazAqparat tilshisi.

«Jedel-izdestirý sharasy barysynda sáýirdiń 25-de joǵalǵan Vıtalıı Sadvakasov Stepnogor qalasynan tabyldy. Bozbalanyń sózinshe, ol týǵan qalasyna jolaı kezdesken kólikpen jetken. Onyń Stepnogor qalasyndaǵy shaǵynaýdanda júrgenin kórgen adamdar polıtsııaǵa habarlap aıtty», - dedi Aqmola oblystyq polıtsııa departamentiniń baspasóz qyzmetinen.

Aıta ketsek, joǵalǵan jasóspirimdi izdeýge Kókshetaý qalalyq polıtsııa basqarmasy jáne Krasnoıar ýchaskelik polıtsııa beketiniń jeke quramy, eriktiler jumyldyryldy.

Eske sala keteıik, Aqmola oblysynda joǵalǵan kolledj stýdenti izdestirilip jatqanyn jazǵan bolatynbyz.