Aqmola oblysynda jergilikti taýarlardyń óndirisi artyp keledi

KÓKShETAÝ. QazAqparat - Birinshi qajettilik ónimderine baǵa belgileý máseleleri jergilikti atqarýshy organdardyń erekshe baqylaýynda. Arnaıy qurylǵan jedel shtabtar kún saıyn monıtorıng júrgizip, áleýmettik mańyzy bar azyq-túlik taýarlarynyń baǵasyn turaqtandyrý boıynsha Jol kartasyn iske asyrýda, dep habarlaıdy QazAqparat tilshisi oblystyq ishki saıasat basqarmasyna silteme jasap.

Oblysta jergilikti azyq-túlik ónimderin óndirýge erekshe kóńil bólinedi. Máselen, 2020 jyldyń 10 aıynda olar 92 mıllıard teńge somasyna óndirildi, bul ótken jylǵy kezeńnen 8,8 paıyz kóp.

Et, sút ónimderi, kúnbaǵys maıy, jartylaı fabrıkattar, un jáne basqa da taýarlar óndirisi artty.

Aýyl sharýashylyǵy jármeńkeleriniń turǵyndarǵa paıdasy zor. Bıyl 210 jármeńke ótkizilip, ortasha baǵadan 20 paıyzǵa deıingi arzan baǵamen 590 mıllıon teńgeniń ónimi satyldy.

«Nan baǵasyn turaqtandyrý úshin turaqtandyrý qorynyń resýrstary paıdalanylady. Jyl basynan oblystyń nan pisirý kásiporyndarymen 110 teńge/kg baǵa boıynsha 1 surypty 449 tonna un satyldy, nátıjesinde nan baǵasy turaqty bolyp qalýda. Qazirgi ýaqytta óńirlik turaqtandyrý qory qalyptastyrylýda. Barlyǵy 2343 tonna túrli taýarlar satyp alyndy, olardy satý júrgizilýde», - dep atap ótti «Kókshe» áleýmettik - kásipkerlik korporatsııasy» AQ-nyń basshylyǵy.

Budan basqa, bıyl «aınalym shemasyn» belsendi iske asyrý bastaldy, onda bıznes sýbektisine ÁKK-ge baǵanyń belgili bir deńgeıin belgileý boıynsha qarsy mindettememen jeńildikti qaryz beriledi.

Búgingi tańda kásiporyndarǵa sút ónimderin, taýyq eti men kartopty belgilengen tómendetilgen baǵamen satý úshin 692 mıllıon teńge somasynda 3 zaım berildi.