Aqmola oblysynda jergilikti polıtsııa qyzmetine 1,2 myń adam tartyldy - J.Omarov
Memleket Basshysy Nursultan Nazarbaevtyń bes ınstıtýtsıonaldyq reformasyn júzege asyrý jónindegi Ult josparynyń 30-shy qadamynda halyq aldynda esep berip otyratyn jergilikti polıtsııa qyzmetin qurý máselesi qamtylǵan.
Jergilikti polıtsııa qyzmeti basshysynyń aıtýynsha, Ult josparynda polıtsııa qyzmetkerleri endigi ýaqytta qarapaıym jurtshylyqpen tyǵyz baılanysta jumys istep, adamdardyń árbir aryz-shaǵymyna jete nazar aýdaratyn bolady. Bul óz kezegindeqyzmet sapasyn, qylmystyń ashylý kórsetkishin jaqsartpaq.
«Osy maqsatta dástúrli túrde ótkizilip júrgen «Sálemetsiz be, men sizdiń ýchaskelik ınspektoryńyzbyn» aktsııasynyń máni zor bolyp otyr.Aktsııa sheńberinde ýchaskelik ınspektorlar barlyq derlik turǵyndarmen kezdesip, baılanys ornatady. Sonymen qatar «Turmys. Baqylaý jáne alkogol» jedel aldyn alý sharasy da úzbeı ótkizilýde. Shara barysynda turmystyq qylmystardyń aldyn alýǵa, araqqa salynyp otbasynyń, kórshi-qolańnyń tynyshyn alatyndardy tártipke shaqyrýǵamúmkindik jasalady. Kóshedegi qylmystar men buzaqylyqtardyń aldyn alý, tyıý maqsatynda ótkiziletin «Buzaqy», «Tonaýshy» jedel aldyn alý sharalary da oń nátıjelerin berip keledi.
Balalar men jasóspirimder arasyndaǵy tártip buzýshylyq pen qylmystyń aldyn alý úshin «Túngi qaladaǵy balalar» aktsııasy únemi ótkiziledi. Shara barysynda eresekterdiń baqylaýynsyz túnde qydyryp júrgen balalardyń ata-analaryna eskertý jasalyp, munyń aqyrynyń jamandyqqa ushyratýy múmkindigi eskertiledi», dedi J. Omarov.
Sonymen qatar ol jergilikti polıtsııa qyzmetin qurýdaǵy maqsat polıtsııanyń halyq aldynda esep berýi arqyly onyń jurtshylyq aldyndaǵy jaýapkershiligin arttyrýǵa jaǵdaı jasaý bolatynyn aıtýda.
«Oblys boıynsha jergilikti polıtsııa qyzmetine 1,2 myń adam tartylǵan. Jergilikti polıtsııa Іshki ister mınıstrliginiń ortalyqtanǵan júıesine kiredi jáne jergilikti atqarýshy organnyń quramyna qosylmaıdy, biraq jergilikti bılik pen halyq aldynda esep berip otyrady», deıdi J. Omarov.