Aqmola oblysynda jer qoınaýyn zańsyz paıdalanǵan kásipker 2,5 jylǵa sottaldy
Aqmola oblystyq prokýratýrasy baspasóz qyzmetiniń málimetinshe, jergilikti JShS-niń dırektory Shortandy aýdanynyń aýmaǵynda barlaý jumystaryn júrgizý syltaýymen, óndirýge tıisti kelisimshart pen lıtsenzııasyz tehnogendik mıneraldyq túzilimderdi óńdeý arqyly qatty paıdaly qazbalardy shyǵaryp alǵan. Keıin ony ózge zańdy tulǵalarǵa ótkizgen. Óziniń is-áreketimen kásipker memleket múddesine 277 mıllıon teńgeden astam materıaldyq zalal keltirgen.
«Shortandy aýdandyq sotynyń úkimimen Qylmystyq kodekstiń 214-baby 2-bóliginiń 2-tarmaǵy boıynsha kásipker aýdan aýmaǵynda zańsyz kásipkerlik qyzmetti júzege asyrǵany úshin 2 jyl 6 aıǵa bas bostandyǵyn shekteý jazasyna sottaldy. Alaıda, aýdan prokýratýrasy taǵaıyndalǵan jazalaý sharasy bóliginde sottyń sheshimimen kelispeı, Aqmola oblystyq sotyna apellıatsııalyq ótinish engizdi. Sot aýdan prokýrorynyń apellıatsııalyq ótinishin qanaǵattandyryp, kásipkerge bas bostandyǵyn shekteý jazasyn bas bostandyǵynan aıyrý jazasyna ózgertti», - dedi vedomstvodan.
Aıta ketsek, Aqmolada bıýdjet qarajatyn jymqyrǵan departament basshysyna 21 mln teńge aıyppul salynǵan edi.