Aqmola oblysynda jeńil kólik elikke soǵyldy: bir adam kóz jumdy

KÓKShETAÝ. QazAqparat - Aqmola oblysynyń Shortandy aýdanynda elikke soǵylǵan jeńil kólik aýdarylyp, bir adam kóz jumdy, dep habarlaıdy QazAqparat tilshisi oblystyq PD baspasóz qyz metine silteme jasap.

Vedomstvonyń málimetinshe, jol apaty tamyzdyń 23-de saǵat 22:00 shamasynda «Prıgorodnoe-Jolymbet» avtojolynyń 37 shaqyrymynda bolǵan. Anyqtalǵandaı, Shortandy kentinen Bektaý aýylyna baǵyt alǵan 29 jastaǵy turǵynnyń basqarýyndaǵy «Lada Priora» kóligi joldyń ústine shaýyp shyqqan elikpen soqtyǵysqan.

Saldarynan kólik aýdarylyp, 27 jastaǵy jolaýshy (kólik júrgizýshisiniń áıeli) alǵan dene jaraqtynan kóz jumdy. Sonymen birge, kólikte 2 jasar qyz bala bolǵan, ol zardap shekken joq.

«Qazirgi kezde, osy derekke baılanysty Qylmystyq kodekstiń 345-babynyń 3-bóligi boıynsha sotqa deıingi is qozǵalyp, saraptama taǵaıyndaldy», - dedi vedomstvodan.

Aıta ketsek, budan buryn Aqmola oblysynda jaıaý júrginshini soqqan mototsıklıst komada jatqandyǵyn jazǵan edik.