Aqmola oblysynda jaıylymdyq jerlerdiń tapshylyǵy baıqalady
Onyń aıtýynsha, Aqmola oblysynda barlyǵy 605 eldi meken bar bolsa, jeke aýlalarda 811,4 myń aýyl sharýashylyǵy janýarlary tirkelgen. Onyń 250,6 myńy iri qara, 43,2-si usaq mal, 12,8-i jylqy.
«Aýyl sharýashylyǵy mınıstriniń 2015 jylǵy 14 sáýirdegi buıryǵyna sáıkes jaıylymdardyń tapshylyǵyn esepteý nátıjeleri boıynsha 1,7 mıllıon gektar alańda jeke aýladaǵy maldy jaıý úshin jaıylymdyq alqaptardyń tapshy bolyp otyr. Esepteýlerge sáıkes jeke aýladaǵy aýyl sharýashylyǵy janýarlaryn jaıý úshin jaıylymdyq alqaptarda tapshylyq oblystyń barlyq óńirlerinde bar. Eldi mekenderdiń jalpy sanynan jaıylymdyq jerlerdiń 100 paıyzdyq tapshylyǵy Arshaly, Egindikól, Jaqsy, Zerendi, Qorǵaljyn, Shortandy aýdandary men Stepnogorsk qalasy tárizdi 7 óńirde baıqalady. Qalǵan óńirlerde tapshylyq 58 paıyz jáne odan joǵary deńgeıde baıqalady», - dedi Rımma Qarymsaqova.
Sonymen birge, oblystyq jer qatynastary basqarmasy jer qatynastaryn retteý jáne úılestirý bóliminiń basshysy jergilikti ákimdikter tarapynan qordalanǵan máseleni sheshý boıynsha jumystar atqarylyp jatqanyn atap ótti.
«Máselen, 2021 jyly 33,0 myń gektar irgeles jerler eldi mekenderdiń shekaralaryna engizildi, balamaly jer ýchaskesin berý arqyly 2,1 myń gektar jaılymdyq jer qaıtarylyp alyndy, 0,7 myń gektar jerge kelisimshart erikti túrde buzyldy, jeke tulǵalarǵa shóp shabý jáne mal jaıý úshin 14,7 myń gektar kóleminde jer berildi, 13 myń gektar alqapta orman sharýashylyǵy mekemelerimen halyqtyń jaıylymdardy paıdalanýyna ruqsat etilgen sharttar jasaldy. Sondaı-aq, eldi mekenderge jergilikti halyqtyń paıdalanýy úshin 154,2 myń ga jaıylymdyq jerler bekitildi», - dep tolyqtyrdy Rımma Qarymsaqova.
Osy rette, áleýmettik shıelenisti boldyrmaý maqsatynda 2020 jyldan bastap aýyl sharýashylyǵy taýar óndirýshilerimen jerdi birlesip paıdalaný týraly memorandýmǵa qol qoıyldy. Qalalar, aýyldyq okrýgter men kentter ákimderi 2022 jylǵa 545,6 myń gektar jerge 209 memorandým jasasqan. Osy jyly jergilikti atqarýshy organdar eldi mekender shekarasyna kólemi 18, 9 myń gektar jerdi qosý jóninde is-sharalar júrgizýdi jáne aýyldyq okrýgterge 5,8 myń gektar jerdi bekitýdi josparlap otyr.