Aqmola oblysynda jastarǵa qyzmet kórsetý ortalyǵy ashyldy

KÓKShETAÝ. QazAqparat - Búgingi tańda Aqmola oblysynda 151 myńnan astam jas tirkelgen, olar oblys halqynyń 20 paıyzyn quraıdy. Osy sanattaǵylardy qoldaý úshin Kókshetaý qalasynda alǵashqy jastarǵa qyzmet kórsetý ortalyǵy ashyldy, dep habarlaıdy QazAqparat tilshisi oblystyq ishki saıasat basqarmasyna silteme jasap.

«HQKO-da mamandar birneshe baǵyt boıynsha keńes beredi. Olardyń ishindegi eń ózektisi-jumysqa ornalastyrý, turǵyn úı satyp alý, memlekettik granttar alý. Sonymen qatar, munda Internetke shyǵatyn barlyq qajetti kompıýterlik tehnıkasy bar ózine-ózi qyzmet kórsetý buryshy bar, sondyqtan kelýshilerdiń memlekettik jáne basqa da qyzmetterdi óz betinshe alý múmkindigi bolady», - dep atap ótti oblystyq jastar resýrstyq ortalyǵynyń basshysy Mánsııa Esekeeva.

Ortalyq ashylǵan kúni 20-dan astam jas ózderin tolǵandyrǵan máseleler boıynsha mamandardan keńes aldy. «Otbasy banki» qyzmetkerleri jastarǵa arnalǵan depozıttik shot ashý jáne banktiń ózekti baǵdarlamalary boıynsha keńes berdi. Sonymen qatar jastarǵa psıhologııalyq jáne zańgerlik kómek kórsetildi.

Aıta ketsek, jastar halyqtyń qoǵamdyq belsendi toptarynyń biri bolyp tabylady. Sol sebepti Qazaqstanda jastardy áleýmettendirý jáne jan jaqty damýy úshin barlyq jaǵdaı jasalýda. Osy rette kedergilerdi sátti eńserý jáne memlekettik jastar saıasatyn iske asyrý úshin elimizdiń keıbir qalalarynda jastarǵa qyzmet kórsetý ortalyqtary jumys isteýde.

Aslan Ospanov.