Aqmola oblysynda jastar arasynda jumyssyzdyqty joıý máseleleri talqylandy

KÓKShETAÝ. QazAqparat – Aqmola oblysynda jastardy, onyń ishinde NEET sanatyndaǵylardy jumysqa ornalastyrý, sondaı-aq halyqty jumyspen qamtý boıynsha óńirlik baǵdarlamalardy oryndaý boıynsha júzege asyrylyp jatqan sharalar talqylandy, dep habarlaıdy QazAqparat tilshisi.

Statıstıkalyq derekterge qaraǵanda, Aqmola oblysy boıynsha 15-28 jastaǵy NEET sanatyndaǵy jastar sany – 11470 adamdy quraıdy, óıtkeni Bul sanatta bala týýǵa baılanysty demalysta júrgen jas áıelder, maýsymdyq qyzmetkerler men múgedekter (QR boıynsha 8,9%, 6,7%) bar, alaıda jastar resýrstyq ortalyqtary júrgizgen monıtorıng nátıjeleri boıynsha olardyń naqty sany-2421 jasty (1,4%) quraıdy, bul kórsetkish 2020 jyldyń sáıkes kezeńimen salystyrǵanda 265 adamǵa az (buryn-2686 (2%). NEET sanatyndaǵy jastardyń derekter bazasy toqsan saıynǵy negizde ózektendiriledi.

«NEET sanatyndaǵy jastardy áleýmettendirý máselesi ótkir kúıinde qalyp otyr. Osy maqsatta oblystyq ishki saıasat basqarmasy, oblystyq jumyspen qamtýdy jáne áleýmettik baǵdarlamalar úılestirý basqarmasy, oblystyq jastar resýrstyq ortalyǵy birlesip osy sanattaǵy jastardy áleýmettendirý jáne jumysqa ornalasýǵa járdemdesý boıynsha is-sharalar keshenin júrgizýde», - dedi óńirlik kommýnıkatsııalar qyzmetinde ótken brıfıngte oblystyq ishki saıasat basqarmasynyń basshysy Altynaı Ámirenova.

Ol atap ótkendeı, 2022 jyldyń qańtar aıynda oblystyń jastar resýrstyq ortalyqtary 94 adamdy jumysqa ornalastyrýǵa járdem kórsetti, sondaı-aq túrli máseleler boıynsha 416 jas adamǵa keńes berildi. (2021 jyly 3375-ten astam jastardy jumysqa ornalastyrýǵa járdem kórsetildi, sondaı-aq áleýmettik jeliler arqyly túrli máseleler boıynsha 10533 myń adamǵa keńes berildi.) Osy jumysty júrgizý úshin Jastar resýrstyq ortalyqtarynda osy sanattaǵy jastarmen tikeleı jumys júrgizetin shtattyq psıhologtar bar. Mysaly, pandemııa kezinde NEET sanatyndaǵy jastarǵa, sondaı-aq halyqtyń áleýmettik osal toptaryna onlaın-psıhologııalyq kómek jáne qoldaý kórsetildi.

«2021 jyly Aqmola oblysynyń ishki saıasat basqarmasy 3 mıllıon teńgege «Quqyq» qoǵamdyq qory arqyly «ómirlik qıyn jaǵdaıǵa tap bolǵan jastardy jumyspen qamtý jáne jumysqa ornalastyrýdy qamtamasyz etýge baǵyttalǵan is-sharalardy iske asyrý (NEET sanatyndaǵy jastardyń úlesin azaıtý)» memlekettik áleýmettik tapsyrys sheńberinde taqyryptyq lotty qarastyryp, iske asyrdy. Sonymen birge, «Zerdeli urpaq» jastar qoǵamdyq birlestigi 3 mıllıon teńge somasyna «nashaqorlyqtyń aldyn alý jáne esirtkige táýeldi azamattardy, onyń ishinde jastardy qoldaý ortalyǵyn uıymdastyrý» memlekettik áleýmettik tapsyrys sheńberinde loty iske asyrdy», - dep qosty Altynaı Ámirenova.

Brıfıngte aıtylǵandaı, joǵaryda atalǵan jobalardy memlekettik áleýmettik tapsyrys aıasynda bıylǵy jyly da júzege asyrý josparlanǵan.

«Jalpy, ótken 2021 jyly jastardy jumysqa ornalastyrý jáne áleýmettendirý boıynsha qabyldanǵan sharalar jastar jumyssyzdyǵynyń deńgeıin tómendetýge múmkindik berdi», - dep túıindedi Altynaı Ámirenova.

Al, oblystyq jumyspen qamtýdy jáne áleýmettik baǵdarlamalar basqarmasynyń basshysy Dına Ahmetjanovanyń aıtýynsha, 29 jastan aspaǵan jastar qataryndaǵy jumyssyz adamdar úshin, onyń ishinde NEET sanatynan (dıplomsyz alýǵa bolady) birinshi jumys ornynyń uzaqtyǵy 12 aıdan 18 aıǵa deıin ulǵaıady, tólem mólsheri 20-dan (61260 teńge) 30 aılyq eseptik kórsetkishke (91890 teńge) deıin ulǵaıady. Oblystyq bıýdjetten 138 azamatty jumysqa ornalastyrý úshin jalpy somasy 152,1 mıllıon teńge qarjy qarastyrylyp otyr.

Aıta ketsek, búgingi tańda Aqmola oblysynda 14-29 jas aralyǵyndaǵy 151 615 myń jas azamat turady, bul oblys halqynyń jalpy sanynyń 20 paıyzy quraıdy. Qala jastarynyń úlesi 56 paıyzdy (84 myń adam), aýyl jastarynyń – 44 paıyzdy (67 myń adam) quraıdy.