Aqmola oblysynda jaǵdaı turaqty
Oblys ákimdigi tarapynan Memleket basshysynyń Qaýipsizdik keńesi otyrysynda bergen tapsyrmalaryn oryndaý baǵyttyndaǵy barlyq sharalar júzege asyrylýda. Qoǵamdyq kólikter, kommýnaldyq qyzmetter, áleýmettik ınfraqurylymdyq nysandar, shtattyq rejımde jumys isteıdi.
Sonymen birge, saýda nysandarynda áleýmettik mańyzy zor azyq-túlik baǵalarynyń ósýine jol bermeý úshin monıtorıng júrgizilip otyrady. Bankomattardan qolma-qol aqsha alý máselesi retteldi. Azyq-túlikpen qamtamasyz etý máselesinde de esh kedergi joq. Kókshetaý qalasy perımetri boıynsha 7, Stepnogor qalasy boıynsha 3 blokpost qoıylǵan.
Qoǵam ókilderiniń bastamasymen tanymal sportshylar men qarýly kúshter ardagerleri jáne qoǵamdyq uıymdar ókilderinen erikti saqshylar jasaqtar quryldy. Olar quqyq qorǵaý organdarynyń qyzmetkerlerine qoǵamdyq tártipti saqtaýda kómektesedi.
Volonterler jelisi turǵyndarǵa psıhologııalyq jáne ózge de kómek kórsetý boıynsha Coll-ortalyq ashty. Turǵyndarǵa, zańdy tulǵalarǵa, menshiktiń barlyq túrlerine Tótenshe jaǵdaı rejımi, komendattyq saǵatty saqtaýǵa, zańsyz mıtıngige shyqpaý jóninde túsindirý jumystary júrgizildi.