Aqmola oblysynda vırýstyq etıologııadaǵy serozdy menıngıt anyqtaldy
Oblystyq sanıtarlyq-epıdemıologııalyq baqylaý departamenti baspasóz qyzmetiniń málmetinshe, menıngıt - mı men julyn membranalarynyń qabynýy. Menıngıt bas aýrýy, qusý, moıyn bulshyqetteriniń qattylyǵy, joǵary temperatýra, fotofobııa tárizdi menıngıaldy sındrommen sıpattalady. Aýrý ártúrli bakterııalar men vırýstardan, tipti sańyraýqulaqtardan týyndaýy múmkin.
«Menıngıt aýrýynan eshkim qaýipsiz emes. Biraq medıtsınalyq zertteýler kórsetkendeı, keıbir jas toptary aýrýdyń joǵary qaýpine ıe, atap aıtqanda 5 jasqa deıingi balalar, 16-25 jas aralyǵyndaǵy jasóspirimder men jastar, 55 jastan asqan eresekter shaldyǵýy múmkin. Aqmola oblysynda bıylǵy birinshi jartyjyldyqtyń qorytyndysy boıynsha menıngokokk ınfektsııasy, irińdi menıngıt jaǵdaılary tirkelmegen, biraq Zerendi, Sandyqtaý, Shortandy aýdandarynda 14 jasqa deıingi balalar (1 jaǵdaı) men jasóspirimder (2 jaǵdaı) arasynda vırýstyq etıologııadaǵy serozdy menıngıttiń úsh jaǵdaıy bar», - dedi vedomstvonyń baspasóz qyzmetinen.
Departament mamandary atap ótkendeı, búgingi kúni bul qaýipti aýrýdan ámbebap qorǵanys joq, biraq vaktsınatsııa jáne saqtyq sharalaryn saqtaý aýrýdyń qaýpin azaıtýǵa kómektesedi.
Aıta ketsek, budan buryn Aqmoladaǵy eki emhana balalarǵa mindetti tegin medıtsınalyq qyzmetti tolyq kórsetpegeni jarııalanǵan edi.