Aqmola oblysynda ustazdar jataqhanaly boldy

KÓKShETAÝ. QazAqparat - Aqmola oblysynda Tselınograd aýdanynyń 90 jáne Astananyń 20 jyldyǵy aıasynda Mánshúk aýylynda muǵalimder úshin 5 páterli jataqhana paıdalanýǵa berildi, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.

Sharaǵa Aqmola oblysy ákiminiń orynbasary Aına Mysyrálimova qatysyp, qýanysh ıelerin aımaq basshysy M.Myrzalınniń atynan quttyqtady. Sonymen qatar, aýdan ákimi Málǵajdar Tátkeev sóz sóılep, qurylys jumystaryn júrgizgen «BI Group» holdınginiń basshysyna alǵysyn bildirdi.

«Memleket basshysynyń xalyqqa arnaǵan bes áleýmettik bastamasynda joǵary bilim berýdiń sapasy men qoljetimdiligin, sonymen qatar, birinshi kezekte stýdentterdiń turǵyn-úı jaǵdaıyn jaqsartý týraly tapsyrma berilgen bolatyn. Onda tek stýdentterge ǵana emes, muǵalim, dáriger jáne áskerı qyzmettegi jas mamandardyń da jaǵdaıyn qarastyrý qajettigi aıtyldy. Elbasynyń bastamasyna qoldaý retinde «BI Group» holdınginiń basshysy Baýyrjan Isabaev «Týǵan jer» baǵdarlamasy sheńberinde jas mamandarǵa jataqhana salyp berdi», - deıdi aýdan basshysy M.Tátkeev.

Ákimniń aıtýynsha, kásipker bar-joǵy 3 aıdyń ishinde 5 páterli jataqhanany salyp bitirgen.

«Bul aýdandaǵy ózge de kásipkerlerge úlgi bolady dep úmittenemin», dep tolyqtyrdy M.Tátkeev.