Aqmola oblysynda UBT nátıjeleri shyqty

KÓKShETAÝ. QazAqparat - Aqmola oblysynda Ulttyq biryńǵaı testileýdiń qorytyndy nátıjeleri anyqtaldy,  dep habarlaıdy "QazAqparat" HAA tilshisi.

Oblystyq bilim basqarmasynan málim etkendeı, 2017 jyldyń 21-23 maýsymy aralyǵynda ótken UBT-ǵa 3 myńnan astam aqmolalyq túlek qatysty. Jalpy, bıylǵy jyly Aqmola oblysynda barlyǵy 4331 oqýshy mektep bitirdi. Onyń 215 - "Altyn belgi", 108 úzdik attestat ıegeri.

UBT 11 testileý pýnktinde ótti. Onyń 8-i oblystyń ər óńirinde bolsa, 3-eýi Astana qalasynda ornalasqan.

Oblystyq bilim basqarmasynyń mektepke deıingi jəne jalpy orta bilim berý bóliminiń basshysy Botagóz Dúısenovanyń aıtýynsha, bıylǵy jyly ortasha ball 79,9 boldy. Aqkól qalasyndaǵy №3 orta mekteptiń túlegi Aılana Baınazarova 140 suraqtyń 134 durys jaýap bergen. Bul oblys boıynsha eń joǵary kórsetkish.