Aqmola oblysynda Túrki keńesiniń jastar lageri jumysyn aıaqtady

ASTANA. QazAqparat - Búgin Túrki keńesi aıasyndaǵy jastardyń jazǵy lageri óz jumysyn aıaqtady. Oǵan 100-den astam adam qatysty, olar - Qazaqstan, Qyrǵyzstan, Ázerbaıjan men Túrkııadan kelgen jastar uıymdarynyń ókilderi, dep habarlaıdy «QazAqparat» HAA tilshisi.

Bir aptanyń ishinde birneshe semınar uıymdastyryldy. Sondaı-aq lagerge jınalǵandar QR Prezıdenti Nursultan Nazarbaevtyń "Bolashaqqa baǵdar: rýxanı jańǵyrý" atty baǵdarlamalyq maqalasyn talqylady. Elbasynyń Túrki áleminiń ıntegratsııasyna qatysty bastamalary da nazardan tys qalmady.

Jazǵy lagerdiń jabylý saltanatyna Halyqaralyq Túrki akademııasynyń prezıdenti Darxan Qydyráli, «QazAqparat» HAA bas dırektory Asqar Ýmarov, QR Din isteri jáne azamattyq qoǵam mınıstrligi jastar saıasaty departamentiniń dırektory Ǵabıdolla Ospanqulov, sondaı-aq "Jas Otan" jastar qanatynyń, Astana qalasy men Aqmola oblysynyń jastar saıasaty máseleleri basqarmalarynyń  ókilderi qatysty. 

Sharany QR Din isteri jáne azamattyq qoǵam mınıstrligi, «Jas Otan» jastar qanaty jáne Halyqaralyq Túrki akademııasy uıymdastyrdy.  

Aıta ketken jón, Túrki keńesiniń alǵashqy lageri ótken jyly Túrkııada uıymdastyrylǵan bolatyn. Kelesi lager Ázerbaıjanda nemese Qyrǵystanda ótedi.