Aqmola oblysynda tótenshe jaǵdaı oryn alǵan Granıtnyı aýylyndaǵy úılerge jylý búgin beriledi

KÓKShETAÝ. QazAqparat - Zerendi aýdanynyń Granıtnyı aýylyndaǵy turǵyn úılerge jylý beriledi. Bul týraly oblystyq ishki saıasat basqarmasynyń baspasóz qyzmetinen habarlady.

Aýdan əkiminiń orynbasary Aıdos Hamıevtiń aıtýynsha  jaqynda Granıtnyı aýylyndaǵy «Ardager-Nerýd» JShS-nyń jylý qazandyǵynda tótenshe jaǵdaı oryn alyp, turǵyn úıler jylýsyz qalǵan bolatyn. 

"Qazirgi kezde oryn alǵan tótenshe jaǵdaı zardaptaryn joıý boıynsha jumystar toqtaýsyz táýlik boıynsha júrgizilýde. Oǵan aýdandyq kommýnaldyq kásipornynyń 15 mamany tartylǵan.  Búgin keshke deıin úılerge jylý berý kózdelgen",- deıdi A.Hamıev.
Eske sala keteıik,atalǵan jylý qazandyǵy 3 aılyq kómir qorymen qamtamasyz etilgen. Al, oryn alǵan tótenshe jaǵdaı jergilikti atqarýshy bıliktiń baqylaýǵa alynǵan.