Aqmola oblysynda taǵy bir janar-jaǵarmaı quıý stantsııasyna aıyppul salyndy
Vedomstvonyń málimetinshe, Tehnıkalyq retteý jáne metrologııa komıtetiniń Aqmola oblysy boıynsha departamenti «Qazaqstan avtohımııasyn óndirýshiler men tutynýshylar qaýymdastyǵynyń» ótinishi boıynsha «PETROLEUM TRADE» JShS-niń «Etalon» janar-jaǵarmaı quıý stantsııasyna qatysty Keden odaǵy tehnıkalyq reglamentiniń talaptaryn saqtaý boıynsha jospardan tys tekseris júrgizdi.
«Tekserý barysynda KIXXG1 5W40, 1 L (óndirýshisi: GSCaltexCorp, GSTower 508, Nonheyon-ro, Seoul, Korea) markaly motor maıynyń KQ TR 4.4 tarmaǵynyń talaptaryna sáıkes kelmeýi anyqtaldy. Sondaı-aq, beınematerıaldarǵa sáıkes satýshynyń zańdy tulǵanyń talaby boıynsha sapa pasportynyń kóshirmesin nemese qaýipsizdik pasportynyń kóshirmesin usynbaýy jaıly derek tirkeldi», - dedi vedomstvodan.
Osy rette, QR Ákimshilik quqyq buzýshylyq týraly kodeksi 415-babynyń 1-bóligine sáıkes kelmeıtin ónimdi aınalysqa shyǵarý boıynsha normatıvtik quqyqtyq aktilermen jaýapkershilik kózdelgen.
«Ákimshilik quqyq buzýshylyq týraly hattama toltyrylyp, jalpy somasy 534 750 teńge kóleminde aıyppul salyndy. Aıyppuldyń tolyq sommasy tólendi. Departament qyzmetkerleri «Tehnıkalyq retteý týraly» Zańnyń jáne Keden odaǵynyń tehnıkalyq reglamentteriniń talaptaryn túsindirý jumystaryn júrgizdi», - dep tolyqtyrdy vedomstvodan.
Aıta ketsek, buǵan deıin Kókshetaýda «Gelıos» janarmaı quıý stantsııasyna aıyppul salyndy.