Aqmola oblysynda suıytylǵan gaz 70-75 teńgeden satylyp jatyr

KÓKShETAÝ. QazAqparat - Aqmola oblysynda suıytylǵan gaz baǵasy 70-75 teńgeni quraıdy. Bul týraly óńirlik jedel shtab otyrysynda aıtyldy, dep habarlaıdy QazAqparat tilshisi.

Jıynda Aqmola oblysynda suıytylǵan gaz baǵasy 70 teńgeni quraıtyny belgili boldy. Tek shalǵaı eldi mekenderde ǵana gaz baǵasy 75 teńge bolýy múmkin.

Sonymen birge, otyrysta ınternet bolmaǵan kezeńde kásipkerler tutynýshylarǵa taýarlyq chek beretini aıtyldy.

«Tótenshe jaǵdaı rejımi engizilgendikten ınernet jelisi, sondaı-aq bank jáne ózge de qarjy uıymdarynyń jumysy shektelgendikten zeınetaqy jáne ózge de tólemder keshiktirildi. Qazirgi kezde memleket tarapynan bul máseleni sheshý boıynsha jumystar júrgizilýde», - dep atap ótti óńirlik jedel shtabtyń otyrysynda aımaq basshysy Ermek Marjyqpaev.