Aqmola oblysynda sýǵa ketken boıjetkenniń denesi bes kúnnen soń tabyldy

KÓKShETAÝ. QazAqparat - Aqmola oblysynda bes kún buryn sýǵa batyp ketken boıjetkenniń denesi tabyldy, dep habarlaıdy QazAqparat tilshisi.

«Aqmolalyq qutqarýshylar bes kún buryn Astana sý qoımasynda sýǵa batyp ketken 27 jastaǵy boıjetkenniń denesin tapty. Іzdestirý jumystaryna quramynda 10 adam, izdeý ıti jáne eki motorly qaıyǵy bar (onyń bireýi statsıonarlyq eholotpen jabdyqtalǵan) qutqarýshylar toby jumyldyryldy. Súńgýirlerge qatty jel men sý týbindegi baldyrlar kedergi keltirdi», - dedi Aqmola oblystyq Tótenshe jaǵdaılar departamentiniń baspasóz qyzmetinen.

Aıta ketsek, qaıǵyly jaǵdaı shildeniń 19-ynda bolǵan edi. Sýǵa batqan boıjetken sol kúni sý qoımasyna qurbylarymen demalýǵa barǵan. Gıdrotsıklmen júzý kezinde ol sýǵa qulap ketken.
Sýǵa ketken boıjetken BAQ-ta SMM mamany bolyp qyzmet etken, buryn QazAqparat halyqaralyq agenttiginde jumys istegen.

Eske sal ketsek, budan buryn Aqmola oblysynda sýǵa batqan 27 jastaǵy boıjetkenniń denesi úsh kúnnen beri tabylmaı jatqanyn jazǵan edik.