Aqmola oblysynda stýdent altynshy qabattan sekirip ketti
16:51, 23 Qańtar 2020
KÓKShETAÝ. QazAqparat – Aqmola oblysynda stýdent sabaq ústinde altynshy qabattan sekirip ketti, dep habarlaıdy QazAqparat tilshisi oblystyq PD baspasóz qyzmetine silteme jasap.
«Búgin saǵat 13:15-te belgisiz adam telefon arqyly habarlasyp, jas jigittiń Shoqan Ýálıhanov atyndaǵy Kókshetaý memlekettik ýnıversıtetiniń altynshy qabatynan sekirgeni týraly aıtty. Oqıǵa ornyna jetken jedel tergeý toby qulaǵan adamnyń osy bilim ordasynyń stýdenti ekenin jáne sabaq ústinde altynshy qabattaǵy aýdıtorııanyń terezesinen sekirgenin anyqtady», deıdi vedomstvodan.
PD baspasóz qyzmeti atap ótkendeı, qazirgi kezde zardap shekken adam jedel járdem qyzmetiniń kómegimen aýrýhananyń jansaqtaý bólimine jetkizildi. Oqıǵanyń mán-jaıy anyqtalý ústinde.