Aqmola oblysynda sottalǵandar arasynda halyq sanaǵy qalaı júrgizilýde
Elimiz boıynsha 1 qyrkúıekten bastap halyq sanaǵynyń kezekti naýqany bastaldy. Bul Atbasar qalasynyń ETs-166/4 eń joǵary qaýipsizdik mekemesinde de jalǵasty.
«Mekeme qyzmetkerleriniń ishinen sottalǵandar sanaǵy boıynsha jumys toby quryldy. Tárbıe bólimi memlekettik statıstıka organdarynyń qyzmetkerlerimen birlesip, jazasyn ótep jatqandar arasynda elimizdiń árbir adamy mańyzdy jáne qajet ekendigi týraly túsindirý jumystaryn júrgizdi», - dep atap ótti Aqmola oblysy boıynsha Qylmystyq atqarý júıesi departamentiniń baspasóz hatshysy Irına Gornova.
Aldyn ala sottalǵandar sanaǵyn ótkizý aldynda memlekettik statıstıka qyzmetkerleri arnaıy esepke alý bóliminiń qyzmetkerlerimen sanaq paraqtaryn toltyrý qaǵıdalary boıynsha sabaqtar ótkizdi. Sottalǵandarǵa saýalnama júrgizýdi jeńildetý retinde mekeme qyzmetkerlerine elektrondyq planshetter berildi. Saýalnama barysynda negizgi anketalyq málimetter, ıaǵnı aty-jóni, týǵan jyly, týǵan jeri, bilimi, jumysqa ornalasýy, otbasy jaǵdaıy, balalar týraly, múlik týraly jáne taǵy basqalar toltyryldy. Arnaıy bólimniń sottalǵan qyzmetkerlerimen júrgizilgen barlyq saýalnama qupııa túrde júrgizildi.
Búgingi kúni ETs-166/4 mekemesinde 100 paıyz sottalǵandar sanaǵy júrgizildi, bul 800-den astam adamdy qurady.
«2021 jyly júrgizilgen halyq sanaǵy anaǵurlym zamanaýı jáne jeńildetilgen, buryn árbir sottalǵan adamǵa jeke qaǵaz tasyǵyshta toltyrylatyn, sapaly emes derekter kóp usynylǵan. Búgin Memleket usynylatyn aqparattyń sapalylyǵy maqsatynda elektrondyq planshetter túrindegi zamanaýı tehnologııalardy usyndy», - dep túsindirdi kolonııa bastyǵynyń orynbasary Abaı Jámshıtov.