Aqmola oblysynda sottalǵandar aǵash pen temirden túrli buıymdar jasaýda

KÓKShETAÝ. QazAqparat - Aqmola oblysynda sottalǵandar aǵash jáne temirden túrli buıymdar shyǵarýda, onyń ishinde kıim-keshekke arnalǵan sebetter, ústel oıyndary jáne jylyjaı tirekteri bar, dep habarlaıdy QazAqparat tilshisi oblystyq qylmystyq atqarý júıesi departamentiniń baspasóz qyzmetine silteme jasap.

Vedomstvonyń málimetinshe, búgingi tańda sottalǵandardy jumyspen qamtý boıynsha birqatar sharalar júzege asyrylýda.

«Eńbek - Kókshetaý» respýblıkalyq memlekettik mekemesimen birlesken jumys nátıjesinde Aqmola oblysy boıynsha Qylmystyq atqarý júıesi departamentiniń ETs-166/25 mekemesinde aǵashtan jáne metaldan buıymdar jasaıtyn «Sahıev» jeke kásipkerliginiń jańa óndiris tsehy ashyldy. Onda on sottalǵan adam jumys isteýde. Aldaǵy ýaqytta tapsyrys kóbeıip jatsa, taǵy qosymsha jumys oryndaryn ashatyn bolamyz», - deıdi jumys berýshi.

Qylmystyq atqarý júıesi departamentiniń baspasóz qyzmeti atap ótkendeı, sottalǵandardyń jumyspen qamtylýy - bul zeınetaqyny esepteý kezinde qajet eńbek ótili. Sottalǵandardyń eńbekaqysynan talap aryzdaryn óteýge, sot úkimi boıynsha taǵaıyndalǵan alıment pen aıyppul tóleýge aqsha qarajattar ustalynady.

«Jazǵy kezeńde mangaldar, jylyjaılarǵa arnalǵan tirekter, qorshaýlar, dýaldar, túrli sándik buıymdar jasaýǵa tapsyrystar túsýde. Ony ýaqtyly jasaýǵa tyrysýdamyz. Tabysymyz jaman emes, eńbekaqy shyǵarylǵan ónim kólemine baılanysty. Aqshany talap aryzdardy óteýge jáne úıge de jiberýge múmkindik bar«, - deıdi jazasyn óteýshi Jaslan.