Aqmola oblysynda saıası qýǵyn-súrgin qurbandary urpaqtarynyń qatysýymen eske alý sharasy ótti
31 mamyr – saıası qýǵyn-súrgin qurbandaryn eske alý kúni. Tarıhtaǵy bul qaraly kún Qazaqstan Respýblıkasynyń Tuńǵysh Prezıdenti Nursultan Nazarbaevtyń Jarlyǵymen 1997 jyldan bastap atalyp ótedi. Saıası repressııa 1928 jyldan bastaldy. Qazaq elinde aldymen Alash qaıratkerleri tutqyndaldy. Olarǵa «ultshyl» degen aıyp taǵyldy. Saldarynan Álıhan Bókeıhanov, Beıimbet Maılın, Ahmet Baıtursynov, Maǵjan Jumabaev, Turar Rysqulov, Іlııas Jansúgirov jáne taǵy basqa zııalylar atý jazasyna kesildi.
Qorǵaljyn aýdanynda ótken sharaǵa aýdan ákimi Berik Jenbaev, jergilikti zııaly qaýym ókilderi, tarıhshylar, sondaı-aq saıası qýǵyn-súrgin qurbandarynyń urpaqtary Bólegen Muhamedııauly Tynybekov, Lev Vasılevıch Geılenger, Valentına Nıkolaevna Detkova, Marııa ıAkovlevna Latypova, Nına Aleksandrovna Boıchenko qatysty.
Shara barysynda saıası qýǵyn-súrgin qurbandary men Alash qaıratkerleriniń qurmetine aǵash otyrǵyzyldy.