Aqmola oblysynda Roza Baǵlanovanyń 100 jyldyǵyna arnalǵan beınerolık túsirildi

KÓKShETAÝ. QazAqparat - Aqmola polıtseıleri KSRO jáne Qazaqstannyń halyq ártisi, Halyq qaharmany Roza Baǵlanovanyń júz jyldyq mereıtoıyna arnalǵan beınerolık túsirdi, dep habarlaıdy QazAqparat tilshisi.

Aqmola oblysy polıtsııa departamenti baspasóz qyzmetiniń málimetinshe, polıtsııa departamentiniń shyǵarmashylyq ujymynyń qatysýshylary Qarlyǵash Táshimova, Áıgerim Jaqypbaeva, Aıdana Isına jáne Bekzat Jumaenov Roza Baǵlanovanyń «Іnkárim aı», «Ah, Samara gorodok» jáne «Ádemi aý» kompozıtsııalaryn oryndady.

«Búginde polıtsııa vedomstvosynyń aldynda jas polıtsııa qyzmetkerlerin ıdeologııalyq tárbıeleý, urpaqtar sabaqtastyǵyn qamtamasyz etý boıynsha birinshi kezektegi mindetter tur, al ulttyq mádenıettiń bastaýyna oralý – bul jas polıtseılerde patrıotızm rýhyn, óz Otanyna degen súıispenshilik pen óz otandastaryna degen maqtanysh sezimderin damytýdyń tamasha múmkindigi», - dep bólisti vedomstvodan.