Aqmola oblysynda «River Coins Limited» qarjy pıramıdasyn qurǵan áıel sottaldy

ASTANA. QazAqparat - Aqmola oblysynda «River Coins Limited» qarjylyq pıramıdasyn qurý jáne basqarý boıynsha sotqa deıingi tergeý aıaqtaldy, dep habarlaıdy Qarjy monıtorıngi agenttiginiń baspasóz qyzmeti.

Uzaq ýaqyt boıy jelilik marketıngpen aınalysyp kelgen G.Ý.Oralbaevanyń qarjylyq pıramıda júıesi negizinde jeke tulǵalardan aqsha tartý arqyly tabys tabý maqsatynda kompanııa qurýǵa bel býǵany anyqtaldy.

Oralbaevanyń «River Coins Limited» qarjy pıramıdasyn qurý jáne basqarý boıynsha zańsyz áreketteriniń nátıjesinde 2000-nan astam jeke tulǵa tartylǵan, keltirilgen shyǵyn kólemi 18 mıllıon teńgeden asady.

Sot Oralbaevany qylmys jasaǵany úshin kináli dep tanyp, bes jylǵa shartty túrde bas bostandyǵynan aıyrdy.