Aqmola oblysynda ózge etnos ókilderine memlekettik tildi nasıhattaýǵa atsalysýǵa shaqyrdy

KÓKShETAÝ. QazAqparat - Aqmola oblysynda halyqaralyq tilder kúnine arnalǵan «Halyqtyń máńgiligi onyń tilinde» taqyrybynda dóńgelek ústel uıymdastyryldy, dep habarlaıdy «QazAqparat» HAA tilshisi.

Dostyq úıinde ótken sharaǵa «Shańyraq» tilderdi oqytý ortalyǵynyń ustazdary men oqýshylary jáne ata-analary, oblystaǵy etnomádenı uıymdardyń ókilderi qatysty.

«Qazaq tili men mádenıet» qoǵamdyq birlestiginiń tóraǵasy Meırambek Qıyqov «Halyqtyń máńgiligi onyń tilinde» taqyrybynda jasaǵan baıandamasynda memlekettik tildiń mańyzdylyǵyn toqtala kele, ony jastardyń arasynda nasıhattap, meńgerý turǵysynda ózge etnos ókilderin atsalysýǵa shaqyrdy.
 

Al, «Shańyraq» tilderdi oqytý ortalyǵynyń muǵalimi Raýshan Hasenova jınalǵandarǵa «Til taǵdyry - el taǵdyry» taqarybynda baıandama jasady. Ol sózinde ortalyqta orys, ıngýsh, polıak, nemis jáne ýkraın balalarynyń qazaq tilinde oqytylatynyn atap ótti. Kókshetaýdaǵy polıak tilinde bilim beretin ortalyq oqytýshysy-volonter Renat Shenıavskıı  Qazaqstan men Polsha eli arasynda bilim salasy boıynsha tyǵyz baılanys ornatylǵanyny týraly sóz qozǵady.  

Sonymen qatar, «Myń bala» respýblıkalyq mádenı-aǵartýshylyq baıqaýynyń jeńimpazy, Kókshetaýdaǵy №21 orta mekteptiń oqýshysy,  Elızaveta Bıbrıh, «Aqmola oblysynyń tatar jáne bashqurt etnomádenı ortalyǵy» qoǵamdyq birlestiginiń tóraǵasy Rafaıl Sýlkarnaev, «Qoǵamdyq kelisim» KMM basshysynyń orynbasary men bólim basshysy Manat Ysmaǵulov men Tatıana Pıatkova jáne tilderdi oqytý mektebiniń basshysy Kúltaı Kárimjanovanyń pikirleri de  bir jerden shyqty.