Aqmola oblysynda ózen jaǵasynan granatalar tabyldy
Oblystyq PD baspasóz qyzmetiniń málimetinshe, bıylǵy jylǵy qazannyń 9-da saǵat 17:40-ta Arshaly aýdandyq PB kezekshilik bólimine Nur-Sultan qalasyndaǵy Polıtsııa departamenti Jedel basqarý ortalyǵynan habar túsken. Onda 1974 jylǵy er adamnyń Arshaly aýdany Arnasaı aýyly mańynda balyq aýlap júrgeninde granataǵa uqsas zatty kórgeni aıtylǵan.
«Esil ózeni arqyly ótetin kópirdiń mańyn tekserý kezinde Arnasaı aýylynan 700 metr qashyqtyqtan atylǵan áskerı emes 3 granata jáne 1 dybys nemese tútin shyǵaratyn granatanyń syrtqy korpýsy tabyldy. Tabylǵan zattardy tekserip, kórýge Nur-Sultan qalasyndaǵy Polıtsııa departamentiniń kınologtary men saperleri tartyldy», - dedi vedomstvodan.
Vedomstvodan atap ótkendeı, osyǵan baılanysty materıaldar Arshaly aýdandyq polıtsııa bóliminiń málimetterdi tirkeý kitabyna engizildi.