Aqmola oblysynda otbasylyq onlaın baıqaýdyń júldegerleri anyqtaldy

KÓKShETAÝ. QazAqparat – Aqmola oblysynda «Rýhanı jańǵyrý» baǵdarlamasyn júzege asyrý aıasynda «Jyl otbasy» oblystyq onlaın baıqaýy ótti, dep habarlaıdy QazAqparat tilshisi.

Oblystyq bilim basqarmasynyń málimetinshe, shara otbasy ınstıtýtyn nyǵaıtýǵa, bala tárbıesindegi ata-analardyń jaýapkershiligin arttyrýǵa baǵyttalǵan.

«Baıqaýǵa oblystyń 19 aýdany men qalasynan aýdandyq jáne qalalyq kezeńniń jeńimpazdary qatysty», - dedi oblystyq bilim basqarmasyndaǵylar.

Uıymdastyrýshylardyń aıtýynsha, baıqaýǵa qatysýshylar óz jumysynda otbasynyń, balanyń dúnıege kelý tarıhyn, alǵashqy jetistikterin, jeńisterin, otbasylyq qundylyqtar men dástúrlerdiń damýyn usyndy.

Baıqaý qorytyndysy boıynsha Shortandy aýdany Bozaıǵyr aýylynan Mahshanaı Ómirdostyń otbasy birinshi oryn alsa, ekinshi orynǵa Tselınograd aýdanynyń Yntymaq aýylynan Hýrmet Dáýrenbektiń jáne Arshaly aýdanynyń Arshaly kentinen Medet Seıdabzalovtyń otbasylary laıyq dep tanyldy.

Al júldeli úshinshi oryndar Sandyqtaý aýdanynyń Maksımovka aýylynan Sergeı Kýlıs, Stepnogor qalasynyń Qarabulaq aýylynan Baýyrjan Orazalın jáne Jaqsy aýdanynyń Jaqsy aýylynan Aslan Jaqsybaevtyń otbasylaryn buıyrdy.

Baıqaý qatysýshylary men júldegerleri Aqmola oblysy bilim basqarmasynyń gramotasymen, dıplomymen jáne aqshalaı sertıfıkatymen marapattalady.