Aqmola oblysynda onlaın sanaq qalaı ótip jatyr

KÓKShETAÝ. QazAqparat – Bıylǵy jylǵy qyrkúıektiń 13-gi jaǵdaı boıynsha aqmolalyqtardyń 12,3 paıyzy onlaın-rejımde sanaqtan óz betinshe ótti. Bul týraly Ulttyq statıstıka bıýrosy oblystyq departamentiniń basshysy Erbol Amambaev málim etti, dep habarlaıdy QazAqparat tilshisi.

Departament basshysynyń aıtýynsha, 1 qyrkúıekten bastap halyq sanaǵy bastaldy, ol aǵymdaǵy jyldyń 30 qazanyna deıin jalǵasady.

«Qazirgi tańda qazaqstandyqtar ulttyq halyq sanaǵynyń suraqtaryna onlaın-rejımde jaýap bere alady. Búgingi kúni oblys halqynyń 12,3 paıyzy (90 862 adam), onyń ishinde Kókshetaý qalasy boıynsha 10,1 paıyzy (14 654 respondent) óz betinshe sanaqtan ótti», - deıdi Erbol Amambaev.

Qazirgi kezde respondentter úshin onlaın rejıminde halyq sanaǵyn ótkizýdiń birneshe tásili qarastyrylǵan. ıAǵnı, mamandandyrylǵan SANAQ.GOV.KZ saıty, AITU mobıldi qosymshasy, EGOV.KZ portalynda avtorızatsııalaý arqyly júzege asyrýǵa bolady.

«SANAQ.GOV.KZ saıty respondentterge ornalasqan jerine qaramastan óz betinshe sanaqtan ótýge jáne ózine jáne óz otbasy múshelerine sanaq paraqtaryn toltyrýǵa múmkindik beredi. Saıt 2021 jyldyń 15 qazanyna deıin táýligine 24 saǵat boıy qol jetimdi. Onlaın sanaqtan ótpegen respondentterden suhbat alýshylar 1-30 qazan aralyǵynda planshetterde jaýap alady. Sanaq kezinde málimetterdi jınaý úshin sáıkestendirýshi aqparat retinde suralatyn adamnyń JSN paıdalanylatyn bolady, bul málimetterdiń qaıtalanýyn boldyrmaýǵa múmkindik beredi. Intervıýerler barlyq qajetti quraldarmen, jeke qorǵanys quraldarymen, arnaıy nysandy kıimmen qamtamasyz etiledi», - dep atap ótti E.Amambaev.

Osy rette, sanaqqa qatysty barlyq máseleler boıynsha táýlik boıy jumys isteıtin 1446 call-ortalyǵyna habarlasýǵa bolady. Departament basshysy aqmolalyqtardy onlaın rejımde sanaqtan ótýge shaqyrady.