Aqmola oblysynda «Meniń týym – meniń Otanym!» chellendji jalǵasýda

KÓKShETAÝ. QazAqparat – Aqmola oblysynda «Meniń týym – meniń Otanym!» ataýymen patrıottyq chellendji jalǵasyp jatyr. El táýelsizdiginiń 30 jyldyǵyna baǵyttalǵan sharaǵa aımaqtyń barlyq eldi mekenderi belsene atsalysýda, dep habarlaıdy QazAqparat tilshisi.

Býrabaı aýdanynda bastaý alǵan aktsııa bul joly Zerendi aýdanyndaǵy aýyldarda jalǵasyn tapty. Qarashilik aýylynda ótken sharada aldymen, aýdandyq balalar shyǵarmashylyq úıiniń dırektory Baqytbek Seıdahmetov pen aýyl meshitiniń ımamy Yrymbek Nákenov sóz sóılep, aq batasyn berdi. Bul sharaǵa aýyl azamattary belsene qatysty. Olar kók baıraqty aspanǵa kóterip, qurmet kórsetti. Salt atty azamattar kók týdy qolyna alyp, aýyl ishin aralady. Patrıottyq sharaǵa jergilikti turǵyndarmen birge jyraqta júrgen aýyl azamattary da arnaıy qatysyp, boı kórsetti.

Atalmysh sharaǵa Zerendi aýdanynyń Ortaq, Qanaı bı, Molodejnyı, Úlgili jáne ózge de aýyldary qoldaý tanytty. Olar ózara kelisip, patrıottyq chellendjdi bir-birlerine joldap jatyr. Budan ári aktsııa Bógenbaı bı, Qyzylqaınar, Vıktorovka, Krasılovka eldi mekenderinde de ótti. Ásirese, Jylymdy aýylyndaǵy aktsııa óte áserli boldy.

Eske sala ketsek, osyǵan deıin Aqmola oblysynyń aýyldarynda Qazaqstan Respýblıkasy Táýelsizdiginiń 30 jyldyǵyna arnalǵan «Meniń týym – meniń Otanym!» patrıottyq chellendji ótip jatqandyǵy jarııalanǵan edi.