Aqmola oblysynda Memlekettik rámizder jónindegi komıssııa otyrysy ótti
Oblystyq ishki saıasat basqarmasynan málim etkendeı, is-shara Qazaqstan Respýblıkasynyń Ánuranymen ashyldy. Óńir basshysy barlyq qatysýshylardy merekemen quttyqtap, memlekettik rámizderdiń árbir qazaqstandyqtyń ómirindegi mańyzyn atap ótti.
«Kelesi jyl Qazaqstan Respýblıkasy Memlekettik rámizderiniń 30 jyldyǵy aıasynda ótedi. Memleket basshysy 2020 jyly memlekettik rámizderdi qoldaný bóliginde zańnamaǵa túzetýler engizýge bastamashylyq jasady. Engizilgen ózgeristerdiń nátıjesinde Qazaqstan Respýblıkasynyń azamattary úshin Memlekettik t ýdy paıdalaný salasy zańnamalyq túrde keńeıtildi. Memlekettik rámizderge qurmetpen qaraý - elimizdiń árbir turǵynynyń azamattyq boryshy jáne memlekettik saıasattyń mańyzdy baǵyty», - dep atap ótti Ermek Marjyqpaev óz sózinde.
Іshki saıasat basqarmasynyń basshysy Altynaı Ámrenova memlekettik rámizderdi qoldaný jáne dáripteý jumystary týraly aıtyp berdi. Onyń sózinshe, m emlekettik rámizderdiń mańyzdylyǵy óńirde Táýelsizdiktiń 30 jyldyǵy aıasynda ótkiziletin kóptegen áleýmettik baǵdarlamalar men jobalardyń negizine alynǵan. Ótken jyldan bastap memlekettik rámizderdi paıdalana otyryp, úsh myńnan astam patrıottyq is-shara ótkizildi.
Turǵyndar arasynda «Meniń Týym, meniń Otanym!» aktsııasy keńinen qoldaý tapty. Aktsııa barysynda oblystyń 200-den astam týtuǵyrlarynda jappaı tý kóterildi. Belsendi jastar 10 myńnan astam qol jalaýshalaryn taratý boıynsha aktsııalar uıymdastyrdy. Turǵyn úılerdiń terezeleri men balkondarynda, 87 kásiporynda, týrıstik, áleýmettik jáne oıyn-saýyq nysandarynda úsh myńnan astam memlekettik tý ornalastyryldy.
Jıyn halyqaralyq arenada Qazaqstannyń atyn shyǵaryp júrgen aqmolalyqtarǵa alǵys hattardy tabystaý rásimimen aıaqtaldy. Marapattalǵandardyń qatarynda dańqty chempıon, eńbek sińirgen sport sheberi Dına Jolaman bar. Jaqynda ǵana aqmolalyq qyz Birikken Arab Ámirlikteri elinen jeńispen oraldy, onda ol bokstan Azııa chempıonatynda altyn júldeni jeńip aldy.