Aqmola oblysynda memqyzmetke irikteý protsesin baqylaý onlaın júrgizildi

KÓKShETAÝ. QazAqparat - Aqmola oblysynda memlekettik qyzmetke úmitkerlermen áńgimelesý protsesine baqylaý onlaın júrgizildi, dep habarlaıdy QazAqparat tilshisi QR Memlekettik qyzmet isteri agenttiginiń Aqmola oblysy boıynsha departamentiniń baspasóz qyzmetine silteme jasap.

«Qazaqstan Respýblıkasynyń memlekettik qyzmeti ashyqtyq pen aıqyndyq qaǵıdattaryna negizdele otyryp, zamanaýı talaptardy baǵyndyryp, jańǵyrtylyp, utqyr jáne básekege qabiletti bolyp keledi. Buǵan memlekettik ákimshilik laýazymdarǵa ornalasýǵa arnalǵan konkýrstardy ótkizý erejesine qatysty sońǵy ózgerister kýá. Mysaly, engizilgen ózgeristerge sáıkes qashyqtyqtan beınebaılanys quraldary arqyly úmitkerlermen áńgimelesý ótkizý múmkindigi engizilgen», - deıdi vedomstvodan.

QR Memlekettik qyzmet isteri agenttiginiń Aqmola oblysy boıynsha departamentiniń basshysy Bergen Bespalınov Skype arqyly Esil, Bulandy aýdandary jáne Stepnogor qalasy ákimderi orynbasarlarynyń bos ákimshilik memlekettik laýazymdarǵa ornalasýǵa úmitkerlermen áńgimelesý ótkizý boıynsha konkýrstyq komıssııanyń otyrysyna baqylaýshy retinde qatysty.

Vedomstvodan atap ótkendeı, konkýrs oblystyń jergilikti atqarýshy organdarynyń memlekettik qyzmetshileri arasynda ótkizildi.

«Áńgimelesý barysynda kandıdattarǵa laýazymdyq ókilettikterin eskere otyryp, suraqtar qoıyldy. Sonymen qatar, áńgimelesý kezeńinde úmitkerler memlekettik organ qyzmetiniń baǵyttaryna sáıkes keletin taqyryptar boıynsha esse jazdy», - dep tolyqtyrdy mekemeden.