Aqmola oblysynda medıtsına qyzmetkerleriniń jalaqysy 30 paıyzǵa ósti

KÓKShETAÝ. QazAqparat - Aqmola oblysynda medıtsına qyzmetkerlerine 30 paıyz ósimmen eńbekaqy tólendi. Birinshi kezekte eń tómengi aılyq alatyn medıtsına qyzmetkerleriniń eńbekaqysy kóterilip otyr. Bul týraly «Əleýmettik medıtsınalyq saqtandyrý qory» kommertsııalyq emes aktsıonerlik qoǵamy Aqmola fılıalynyń basshysy Nurlan Aqylbekov jýrnalıstermen ótkizgen brıfıngte aıtty, dep habarlaıdy QazAqparat tilshisi.

Brıfıngte fılıal basshysy Qazaqstan Respýblıkasynyń Úkimeti 2019 jyldyń 19 maýsymynan bastap mindetti áleýmettik medıtsınalyq saqtandyrý júıesi men kepildendirilgen tegin medıtsınalyq kómek sheńberinde kórsetiletin qyzmetter tizimin bekitilgeni týraly aıtyp berdi.

«Bul eki tizimniń aıyrmashylyǵyna keletin bolsa, kepildendirilgen tegin medıtsınalyq kómek paketi mınımaldy standarttardan turady. Máselen, oǵan shuǵyl kómekke zárý azamattarǵa medıtsınalyq kómek kórsetý, epıdemııanyń jappaı taralýyna jol bermeý, memlekettiń aralasýyn qajet etetin qıyn jaǵdaıǵa dýshar bolǵan naýqastarǵa kómek kórsetý jáne taǵy basqa qyzmetter kiredi.Sonyń ishinde, jedel járdem men sanıtarlyq avıatsııa, shuǵyl statsıonarlyq kómek, pallıatıvtik kómek te bar», deıdi Nurlan Aqylbekov.

Sonymen qatar, ol tegin medıtsınalyq kómektiń kepil berilgen kólemi (TMKKK) jáne Mindetti áleýmettik medıtsınalyq saqtandyrý (MÁMS) dep atalatyn bul qyzmetter 2020 jyldyń basynan bastap iske qosylatynyn atap ótti.

Jalpy, kepildendirilgen tegin medıtsınalyq kómek saqtandyrý júıesinde dárejesine qaramastan elimizdiń barlyq turǵyny úshin qol jetimdi. Oǵan jedel medıtsınalyq kómek jáne sanıtarlyq avıatsııa, shuǵyl stantsıonarlyq kómek, pallıatıvti kómek kiredi. Budan bólek, jıi taralatyn aýrlar kezinde, ıaǵnı, konsýltatıvti-dıagnostıkalyq kómek, ambýlatorııalyq dári-dármekpen qamtamasyz etý, josparly jáne stantsıonarly kómek, sondaı-aq, týberkýlez dertine shaldyqqan kezde medıtsınalyq beıimdeý qoljetimdi.

«Paketterdiń jańa úlgisin daıyndaý barysynda elimizdiń Densaýlyq saqtaý mınıstrligi bir jarym jyl boıy mıdıtsına salasynyń mamandarymen birlesip jumys istedi. Qyzmetterdi satyp alý, aqy tóleý, monıtorıng protsesin júzege asyrý tetikteri talqylandy. Bul baǵyttaǵy jumystar aldaǵy ýaqytta da jalǵasyn tabady, - dedi fılıal dırektory Nurlan Aqylbekov.

Aıta keteıik, tegin medıtsınalyq kómektiń kepil berilgen kólemi (TMKKK) áleýmettik medıtsınalyq saqtandyrý qory arqyly respýblıkalyq bıýdjet esebinen qarjylandyrylsa, Mindetti áleýmettik medıtsınalyq saqtandyrý (MÁMS) aktıvter esebinen júzege asyrylady. Búgingi kúni Qazaqstan boıynsha jarna jáne aýdarymnan túsken qarjynyń jalpy sommasy 176,7 mıllıard teńgeni qurady. Al, Aqmola oblysy boıynsha 2017 jyldyń 1-shildesinen beri 6,1 mıllıard teńge qarajat aýdarylǵan. Atalmysh qarajat Ulttyq bankti saqtalyp, 2020 jylǵy medıtsı nalyq qyzmetter aqysyna bólinetin bolady.