Aqmola oblysynda qyzmettik ıt adam óltirgen kúdiktini ustap berdi

KÓKShETAÝ. QazAqparat - Aqmola oblysynda qyzmettik ıttiń kómegimen polıtsııa kisi óltirgen kúdiktini dereý ustady, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, 6 mamyr saǵat 17:45 shamasynda Tselınograd aýdandyq PB kezekshi bólimshesine Talapker aýylynda er adamnyń denesi tabylǵany týraly habar túsedi. Úı mańynan tabylǵan 26 jastaǵy jigittiń keýdesiniń sol jaq tusyna pyshaq suǵylǵan. Oqıǵa ornyna jedel-tergeý tobynyń quramynda kınolog ta jiberiledi.

«Jedel-izdestirý is-sharalary barysynda «Alfa» atty qyzmettik ıttiń kómegimen 19 jastaǵy jergilikti turǵyn - jábirlenýshiniń týysy kúdikti retinde ustaldy. Ol ýaqytsha oqshaýlaǵyshqa qamalyp, ústinen Qylmystyq kodekstiń 99-baby «Adam óltirý» boıynsha is qozǵaldy», - dedi vedomstvodan.

Aıta ketsek, Kókshetaý dúkenine jarylǵysh zat qoıyldy dep habarlaǵan adam izdestirilip jatyr.