Aqmola oblysynda qymyz festıvali ótedi

KÓKShETAÝ. QazAqparat - Aqmola oblysynda «Qymyz Fest» («Qymyz fest») qymyz festıvali sheńberinde ótkiziletin Býrabaı-bəıge qatysýshylary bas júlde - 700 myń teńge úshin saıysatyn bolady, dep habarlaıdy QazAqparat tilshisi.

Şýche-Býrabaı kýrorty aımaǵyn damytyp, týrısterdi tartý maqsatynda Aqmola oblysynyń týrızm basqarmasy men «Býrabaı damý» JShS-men birlesip, «Four Seasons» jobasy sheńberinde tuńǵysh ret «Qymyz Fest» qymyz festıvalin ótkizedi. Festıval ulttyq taǵamdar men sýsyndar nasıhattaýǵa jəne salaýatty ómir saltyn qalyptastyrýǵa, óńirde týrıstik qyzmet aýqymyn keńeıtýge baǵyttalǵan», - deıdi uıymdastyrýshylar.

«Qymyz Fest» festıvali sheńberinde Býrabaı-báıge-2018 saıysyn ótkizý josparda bar. Onda bas júldege 700 myń teńge aqshalaı syılyq tigý qarastyrylyp otyr.

Festıval qonaqtary úshin qymyzdyń 8 túri usynylady. Sonymen qatar, qonaqtar at, kvadratsıklmen serýendep, ulttyq sport oıyndary men kontserttik baǵdarlamalardy tamashalaı alady.

Oǵan qosa ulttyq qolóner sheberleri temir, aǵash, bylǵary jəne zergerlik buıymdaryn jasaý boıynsha sheberlik sabaǵyn ótkizedi. Sharaǵa memlekettik organdar, úkimettik emes uıymdar, shaǵyn jáne orta bıznes ókilderi men turǵyndar qatysady.

Festıvaldiń saltanaty ashylýy 26 mamyr kúni saǵat 10:00-de ótedi.