Aqmola oblysynda KVI-men aýyrǵandar sany 1,5 ese artty

KÓKShETAÝ. QazAqparat – Aqmola oblysynda koronavırýstyq ınfektsııamen syrqattanýshylyq bótken aptada 1,5 ese artqany baıqaldy, dep habarlaıdy QazAqparat tilshisi.

Aqmola oblystyq sanıtarlyq-epıdemıologııalyq baqylaý departamenti baspasóz qyzmetiniń málimetinshe, óńirde koronavırýstyq ınfektsııamen syrqattanýshylyq boıynsha jaǵdaı salystyrmaly túrde turaqty. 2020 jyly COVID-19 zerthanalyq rastalǵan 7 myń 247 jaǵdaı tirkelgen, 2021 jyly – 42 myń 434, 2022 jyly – 19 myń 328, shilde aıynda – 78.

«Óńirde COVID-19 aýrýynyń ósýi 15 maýsymnan bastap baıqalady. Ótken aptada, 29 maýsym men 6 shilde aralyǵynda 32 jaǵdaı, sońǵy aptada – 7-13 shilde aralyǵynda 51 jaǵdaı tirkeldi, 1,5 ese ósý baıqalady. 78 naýqastyń 33-i vaktsınatsııalanbaǵan, olardyń 32-si ýaqtyly revaktsınatsııa almaǵan», – dedi Aqmola oblystyq sanıtarlyq-epıdemıologııalyq baqylaý departamenti basshysynyń orynbasary Serik Omarhanov.

Aıta ketsek, 14 shildedegi jaǵdaı boıynsha óńirde 78 jaǵdaı tirkelgen. Baılanysta bolǵan adamdar arasynda aýrýdyń eki jaǵdaıy tirkeldi, aýrý belgileri paıda bolǵannan keıin medıtsınalyq kómekke júgingen kezde naýqastar anyqtalǵan.

Eske sala ketsek, budan buryn Aqmola oblysynda vırýstyq etıologııadaǵy serozdy menıngıt anyqtalǵany týraly jazǵan edik.