Aqmola oblysynda qutqarýshylarǵa segiz avtokólik pen eki kater tabys etildi

KÓKShETAÝ. QazAqparat – QR Tótenshe jaǵdaılar mınıstri ıÝrıı Ilın Aqmola oblysynyń bas qutqarýshysy Nurlan Atyǵaevqa, sondaı-aq QR TJM Azamattyq qorǵaý akademııasyna jaýyngerlik týdy tabys etti, dep habarlaıdy QazAqparat tilshisi Aqmola oblysy TJD baspasóz qyzmetine silteme jasap.

Merekelik is-shara barysynda, sondaı-aq Aqmola oblysynyń ákimi Ermek Marjyqpaev qutqarýshylarǵa segiz jeńil avtokólik pen eki katerdiń kiltin tabystady.

«Memleket basshysy «MІNDET, ABYROI, ERLІK» resmı nyshanyn bekitip, azamattyq qorǵaý qyzmetteriniń mańyzdylyǵyn atap ótti. Týdy tapsyrý rásimi – búkil garnızon úshin tarıhı oqıǵa, urpaqtardyń baılanysyn, tarıhı jady men sabaqtastyqty sımvolıkalyq túrde beıneleıdi», - dep atap ótti QR Tótenshe jaǵdaılar mınıstri ıÝrıı Ilın.

Sonymen qatar ol jergilikti atqarýshy organdardyń materıaldyq-tehnıkalyq bazany jetildirý men jańartýǵa, TJD ǵımaratyn jóndeýge kórsetken qoldaýy úshin Aqmola oblysynyń ákimine alǵysyn bildirdi.

2020-2021 jyldary jergilikti bıýdjetten 20 arnaıy jáne qosalqy tehnıkany, qutqarý jabdyqtaryn, uıymdastyrý tehnıkasyn, TJD ǵımaratyn kúrdeli jóndeýge jáne basqa da qyzmetterdi satyp alýǵa 870 mln teńge bólindi. Al bıyl arnaıy jáne jedel avtomobılderdi, tynys alý apparattaryn jáne ınjenerlik jabdyqtardy satyp alýǵa 301 mln teńgeden astam qarajat bólý josparlanyp otyr.

Sondaı-aq, is-shara barysynda órt sóndirýshi-qutqarýshylar «Qazaqstan Respýblıkasynyń Táýelsizdigine 30 jyl» medaldarymen jáne Aqmola oblysy ákiminiń alǵys hattarymen marapattaldy. Medaldarǵa Tselınograd aýdany Araıly aýylynyń №22 órt sóndirý bóliminiń №32 órt sóndirý beketiniń júrgizýshi-qyzmetkeri, azamattyq qorǵaý praporşıgi Talǵat Rahov, sondaı-aq Tselınograd aýdany Qabanbaı batyr aýylynyń №22 órt sóndirý bóliminiń №34 órt sóndirý beketiniń bólimshe komandıri, azamattyq qorǵaý praporşıgi Qýandyq Jumabekov ıe boldy.