Aqmola oblysynda «Qumaı» etnoparki ashylady
«Túrik qaǵanatynyń tarıhyn zertteýdi nysanasyna aınaldyrǵan L.Gýmılev atyndaǵy EUÝ-men birge júrgizilip jatqan arheologııalyq qazba jumystarynyń qorytyndysy boıynsha Ereımentaý aýdanynda ashyq aspan astynda «Qumaı» etnoparkin qurý týraly joba qolǵa alyndy. Sonymen qatar, Qorǵaljyn aýdanyndaǵy «Bespaqyr» jáne» Batyǵaı» atty kıeli jerlerindegi nysandardy restavratsııalaý kózdelgen», - deıdi Málik Myrzalın búgin Ortalyq kommýnıkatsııadar ortalyǵynda ótken baspasóz máslıhatynda.
Óńir ákimi sonymen qatar, «Qazaqstannyń kıeli jerleri» respýblıkalyq kartasyna Aqmola oblysynyń 10 nysany - Qumaı arheologııalyq-etnografııalyq kesheni, Abylaı hannyń alańy, Kenesarynyń úńgiri, Batyǵaı kesenesi, Oqjetpes taýy, Qabanbaı batyr men Bespaqyr, Baýbek batyr mazarlary engenin atap ótti. Sonymen birge, «Kıeli Qazaqstan» entsıklopedııasynyń alǵashqy tomy jaryqqa shyǵarylyp, onyń ishine Aqmola oblysynyń 200 kıeli óńiri engizilgen.
Málik Myrzalın sondaı-aq oblys aýmaǵynda júzege asyrylyp jatqan taǵy bir joba týraly aıtyp berdi. Ákimniń sózine sensek, «Eskertkishter syr shertedi» jobasy zamanaýı tehnologııalardyń - QR-kodtardyń kómegimen qasıetti nysandar týraly aqparat alýǵa bolady. QR-kodtary bar taqtashalar aımaqtyń baı tarıhı-mádenı murasymen tanysýǵa jol ashady.