Aqmola oblysynda qos aqqýdy atyp alǵan ańshy ustaldy

ASTANA. QazAqparat – Búgin «Brakoner» jedel aldyn alý is-sharasy barysynda Aqmola oblysy aýmaǵynan qos aqqýdy atyp alǵan kúdikti ustaldy. Onyń ańshyǵa tıisti kýáligi bolǵan, dep habarlaıdy QazAqparat Polisia.kz saıtyna silteme jasap.

Bulandy aýdandyq polıtsııa bóliminiń ýchaskelik ınspektorlary Jýravlev aýyldyq okrýginiń aýmaǵynda reıdtik is-sharalardy ótkizý kezinde «IJ-ıÝpıter 5» mototsıklin mingen 67 jastaǵy jergilikti turǵyndy toqtatady. Onyń qujattary men kólik quralyn tekserý kezinde polıtseıler mototsıkl arbasynan atylǵan eki suńqyldaq aqqý jáne 12 kalıbrli «TOZ 34» tegis uńǵyly ańshylyq myltyǵyn tapty. Aıta ketý kerek, qarý ІІO tirkelgen, sonymen qatar aýyl turǵynynyń tıisti ańshy kýáligi bar.

Ustalǵan er adamnyń aıtýynsha, ol Qyzyl kitapqa engizilgen aqqýlardy aýlaýǵa tyıym salynǵanyn bilgen, alaıda qustardy kórgennen keıin olardy atyp óltirgen.

Bul fakt QR QK-niń 337-baby 1-bóligi boıynsha sotqa deıingi tergep-tekserýlerdiń biryńǵaı tizilimine engizildi (Zańsyz ań aýlaý). Qajetti tergeý amaldary júrgizilip jatyr.

Polıtseıler aımaqta sýda júzetin qustardy aýlaýǵa tyıym salynǵanyn eskertedi. Al, suńqyldaq aqqý – sany azaıyp bara jatqan túr retinde Qazaqstan Respýblıkasynyń Qyzyl kitabyna engizilgen.