Aqmola oblysynda konveıer lentasy qolyn julyp ketken jumysshy qaıtys boldy

KÓKShETAÝ. QazAqparat – Aqmola oblysynda konveıer lentasy qolyn julyp ketken jumysshy kóz jumdy. OLsyǵan baılanysty polıtsııa is qozǵady, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, bıylǵy maýsymnyń 1-de Arshaly aýdandyq PB kezekshi bólimine Astana qalasyndaǵy aýrýhanaǵa «qolynyń travmatıkalyq ampýtatsııasy, travmatıkalyq shok» dıagnozymen 47 jastaǵy er adamnyń jetkizilgeni habarlanǵan.

«Keıin anyqtalǵandaı, keleńsiz jaǵdaı 42-shi razez stantsııasynda bolǵan. Er adam jergilikti óndiristik tsehtardyń birinde isten shyqqan konveıer lentasyn jóndep jatqan Sol kezde onyń qolyn julyp áketken. Zardap shegýshi jansaqtaý bóliminde qaıtys boldy. Osyǵan baılanysty polıtsııa Qylmystyq kodekstiń 156-babynyń 3-bóligi «eńbekti qorǵaý erejelerin buzý» boıynsha sotqa deıingi tergeý amaldaryn júrgizip jatyr. Sot-medıtsınalyq saraptama taǵaıyndaldy», - dedi vedomstvodan.

Aıta ketsek, budan buryn Aqmola oblysynda jumysshynyń jaraqat alýyna baılanysty tergeý amaldary bastalǵan edi.