Aqmola oblysynda kólik qaǵyp ketken maldyń ıesi izdestirilip jatyr
Vedomstvonyń málimetinshe, óńirde ujymdasyp mal baǵý ózekti másele bolyp otyr. Ásirese, ıeleriniń salǵyrttyǵynan qaraýsyz júrgen mal jol-kólik oqıǵasyna sebepker bolýda. Osy rette, tártip saqshylary jol apatyna sebepker bolǵan mal ıelerine QR ÁQbK 615-baby boıynsha ákimshilik jaýapkershilik qarastyrylatynyn eskertedi.
Máselen, 13 tamyzda Kókshetaý qalalyq PB kezekshilik bólimine jergilikti turǵyn habarlasyp, qaladan Qostanaı baǵytyna shyǵa beriste joldyń boıynda kólik qaǵyp ketken óli qulynnyń jatqanyn aıtqan.
«Qazirgi kezde jedel-izdestirý sharalary qolǵa alynyp, jol apatyna sebepker jylqy tóliniń ıesi anyqtalýda. Sonymen qatar, sol mańda joldyń ústinde jaıylyp júrgen ózge jylqylar qamaldy. Osy oqıǵaǵa baılanysty úı janýarynyń qatysýymen oryn alǵan jol-kólik oqıǵasyna baılanysty mal ıesiniń ústinen QR ÁQbK 633-babynyń 2-bóligi boıynsha ákimshilik hattama toltyrylady», delingen habarlamada.
Aıta keteıik, jyl basynan beri Aqmola oblysy aýmaǵynda maldy qaǵyp ketýge qatysty 29 jol-kólik oqıǵasy tirkelgen.