Aqmola oblysynda kirpish zaýyty iske qosylady

BÝRABAI. QazAqparat - Aqmola oblysynda bıyl kirpish zaýyty men gıdrometallýrgııalyq keshen iske qosylady. Bul týraly Býrabaıda ótken Ortalyq kommýnıkatsııalar qyzmetiniń kóshpeli baspasóz máslıhatynda aımaq basshysy Ermek Marjyqpaev málim etti, dep habarlaıdy QazAqparat tilshisi.

«Ónerkásip sektory óńir ekonomıkasynda basym sala bolyp qalýda. Respýblıka boıynsha oblystyń úlesi zor. Osy rette, Aqmola oblysy podshıpnıkterdiń 100 paıyzyn, mamandandyrylǵan avtomobıl men traktordyń árbir ekinshisin, astyq jınaıtyn kombaındardyń 65 paıyzyn, árbir 4-shi kılogramm altyn óndiredi. Sonymen qatar qus eti, óńdelgen sút, jumyrtqa, un ósimdik maıyn óndirýde úlesi zor. Іri jobalar arasynda jylyna 60 mln dana kirpish shyǵaratyn «Enkı Plıýs» zaýytynyń qurylysy bar. Jaqyn arada jylyna 120 mln dana kirpish shyǵaratyn zaýyt iske qosylady. Al, jyl sońyna deıin quramynda altyn bar kendi óńdeıtin jyldyq qýaty 5 mln tonna bolatyn iri gıdrometallýrgııalyq keshendi iske qosý josparda bar», - dedi Ermek Marjyqpaev.

Aımaq basshysy atap ótkendeı, Arshaly aýdanynda jylyna 6 myń tonna qus etin óndiretin kásiporynnyń turaqty jumysy esebinen oblysta qus etin óndirý aıtarlyqtaı ósken. Aldaǵy kúzde Orta Azııadaǵy eń iri qus fabrıkasy «Makınsk qus fabrıkasy» qurylysynyń 3-shi kezeńi aıaqtalady. Bul qus etiniń ımportyn 15 paıyzǵa azaıtýǵa múmkindik bermekshi.

Aıta ketsek, budan buryn Aqmola oblysynda bıyl 5 myńǵa jýyq otbasy baspanaly bolatynyn jazǵan bolatynbyz.