Aqmola oblysynda kıik atyp alǵan adam isti boldy

KÓKShETAÝ. QazAqparat – Aqmola oblysy Jarqaıyń aýdandyq polıtsııa bóliminiń qyzmetkerleri men «Ohotzooprom» respýblıkalyq memlekettik qazynalyq kásipornynyń ınspektorlary kıikti zańsyz atyp alǵan kúdiktini ustady, dep habarlaıdy QazAqparat tilshisi.

Aqmola oblystyq Polıtsııa departamenti baspasóz qyzmetiniń málimetinshe, 31 jastaǵy er adam 20 shildede Shoıyndykól aýyly aýmaǵynda qolǵa túsken. Kúdiktiniń «Gazel» kóligin tintý kezinde bir kıik eti, «MR-153» tegis uńǵyly myltyq, sondaı-aq 12 kalıbrli 11 patron tabyldy.

«Atalmysh derek Qylmystyq kodekstiń 337-baby 4-bóligi («zańsyz ańshylyq») boıynsha sotqa deıingi tergep-tekserýdiń biryńǵaı tizilimine tirkeldi», - dedi vedomstvodan.

Osy rette polıtsııa qyzmetkerleri el aýmaǵynda ǵylymı maqsattarda paıdalanýdy qospaǵanda, kıikterdi atýǵa, olardyń músheleri men derıvattaryn paıdalanýǵa 2023 jylǵa deıin tyıym salynǵanyn eske salady.