Aqmola oblysynda «Qazaqstan - Uly dala eli» atty jastar forýmy ótti
Sandyqtaý aýdanynyń Kamenka aýyldyq okrýginiń agrotehnıka kolledjinde ótken sharanyń maqsaty - jas urpaqqa Táýelsizdiktiń 30 jyldyq mereıtoıynyń mańyzyn jetkizý.
Sondaı-aq, Elbasy Nursultan Nazarbaevtyń táýelsiz memlekettiń qalyptasýy men damýyndaǵy mańyzdy rólin kórsetý.
«Bul jyl - bizdiń elimiz úshin erekshe jyl. Egemendikke qol jetkizgenimizge 30 jyl tolady. Biraq qansha jyl ótse de, biz tarıhymyzdaǵy ulttyq qaıratkerler men batyrlardyń erligin umytpaýymyz kerek. Mundaı forýmdar - jas urpaqta patrıotızm sezimin oıatatyn, elge degen súıispenshilikti qalyptastyratyn jáne onyń rýhyn kóteretin biregeı joba. Jalpy forým joǵary deńgeıde ótti. Óte mazmundy kezdesý boldy», - dedi Kamenka aýyldyq okrýginiń ákimi Maııa Árkenova.
Shara sońynda aýyldyń damýyna úles qosyp kele jatqan belsendi jastar marapattaldy.