Aqmola oblysynda «Qazaqshań qalaı, balaqaı?» onlaın baıqaýy ótti

KÓKShETAÝ. QazAqparat - Aqmola oblysynda Táýelsizdiktiń 30 jyldyǵyna oraı birqatar is-sharalar qolǵa alynǵan. Buǵan eresekter ǵana emes, kishkentaı aqmolalyqtar da úles qosýda, dep habarlaıdy QazAqparat tilshisi oblystyq ishki saıasat basqarmasyna silteme jasap.

Osy rette, oblystyq deńgeıde onlaın rejıminde túrli ult ókilderiniń balalary arasynda memlekettik tildi bilýge arnalǵan «Qazaqshań qala, balaqaı?» dástúrli onlaın baıqaýy ótti. Uıymdastyrýshylardyń aıtýynsha, sońǵy kezderi baıqaýǵa qatysýǵa nıet bildirýshiler sany artyp keledi. Bıyl olardyń sany áldeqaıda kóp. Baıqaý aldynda irikteý týry ótti. Sahnaǵa 12 myqty komanda shyǵyp, baq synady.

Baıqaýdyń maqsaty - mektepke deıingi uıymdarda memlekettik tildi meńgerý deńgeıin anyqtaýǵa jáne saýatty jazýdy qalyptastyrýǵa baǵyttalǵan. Jeńimpazdar memlekettik tildi meńgerý deńgeıi boıynsha ǵana emes, materıaldyń syrtqy kelbeti men kórsetilýine nazar aýdaryldy.

«Bizdiń memlekettik tilimizdi dáripteý, tilimizdiń qasıetterin túsindirý maqsatyndaǵy bul baıqaý óte mańyzdy. Barlyq qatysýshylar óte laıyqty boldy. Ár adam tilderdi jetik meńgergenin kórsetti. Biz barlyq balalar qazaq tilinde jazylǵan ózderiniń shyǵarmashylyq jumystaryn laıyqty túrde usyndy dep esepteımiz», - dep atap ótti qazylar alqasynyń múshesi Aıdana Jargúlbaeva.

Baıqaý qorytyndysy boıynsha júldeli oryndardy Esil, Arshaly jáne Býrabaı aýdandary balabaqshalarynyń kishkentaı tárbıelenýshileri ózara bólisti.