Aqmola oblysynda «Qazaqsha sóıleıik» klýby ashyldy

KÓKShETAÝ. QazAqparat - El Táýelsizdiginiń 30 jyldyǵyna oraı jáne Qazaqstan Respýblıkasyndaǵy til saıasatyn iske asyrýdyń 2020 – 2025 jyldarǵa arnalǵan memlekettik baǵdarlamasy aıasynda Tselınograd aýdanynyń Aqmol aýylynda «Qazaqsha sóıleıik»klýby ashyldy, dep habarlaıdy QazAqparat Іshki saıasat basqarmasyne silteme jasap.

Aýdannyń ishki saıasat bóliminiń aıtýynsha, klýbqa barlyq nıet bildirýshiler kelip, ózderiniń memlekettik tildi úırený mashyqtaryn damyta alady. Atalmysh klýb músheleri qazaq tilinde sóılep qana qoımaı, saýatty jaza bilýdi maqsat etedi.

Sabaqtar kún saıyn áńgime men qarym-qatynasta qoldanylatyn sóılemderdi túrlendirýge arnalǵan arnaıy ádisteme boıynsha ótkiziledi. Sabaqtarda oqytýdyń oıyn formalary belsendi qoldanylady.

Prezıdent «Táýelsizdik bárinen qymbat» maqalasynda memlekettik tildi bilý – Qazaqstannyń árbir azamatynyń paryzy, tipti mindeti dep te aıtýǵa bolatynyn jetkizdi. Osylaısha barsha qazaqstandyqtarǵa, onyń ishinde qazaq tilin áli jete meńgermegen otandastarǵa úndeý tastaǵan bolatyn.

«Búginde elimizde memlekettik tildi úırenemin deýshilerge barlyq jaǵdaı jasalǵan. Osy jumysty jalǵastyra otyryp, elimizdiń mereıtoıy qarsańynda aýdanymyzda qazaq tilin oqytý klýby ashyldy. Bul klýbqa ásirese, ózge etnos ókilderiniń qyzyǵýshylyǵy basym» , - dedi aýdannyń ishki saıasat bóliminde.

Klýb músheleri aptasyna bir ret bir saǵattan kezdesip otyrady.Olardyń til bilý deńgeıi men jas ereksheligi mańyzdy emes.

Tegin uıymdastyrylǵan klýb sabaqtaryn aýdandaǵy «Tilderdi oqytý ortalyǵynyń» tájirıbeli, bilikti mamandary ótkizedi.